"Wartedsi, ich hänk das scho id Garderobe, denn chönnd sie no chli umluege!"
"Ja, ich wett eigentlich grad..."
"Nei, nei, lueged Sie noch chli!"
"Danke, ich wott jetzt das T-Shirt probiere!"
"Bitte, bitte, das Shörtli stohd Ihne sicher!"
"..."
"Gooohoods!? Leider hemmer kei chlineri Grössi! Wendsis mir zeiheige?"
"...."
"Ah, Sie hends nonig ah?"
"Doch, jetzt scho."
"Oh, schööön!"
"Ich weiss ned... das gsehd do scho glich komisch us..."
"Das chönd Sie ide Hose oder über de Hose träge. Ich find, das stohd Ihne perfekt!"
"Hm."
"Dochdoch, Sie gsehd i dem richtig aagleit us!!"
"Aagleit? Es tümmers Adjektiv chund Ihne ned i Sinn? Wenn Sie Coiffeuse wäred, würded Sie enere Chundin am Schluss säge, Sie gsäch frisiert us? Und wenn Sie en Psychologin wäred, würded Sie am Änd vonere Sprächstund säge, d'Patientin gsäch berote us? Und ich nime jetzt nur de Schal. Genau de, won ich voll stranguliert usgseh."